აშშ-ის საკვებისა და წამლების ადმინისტრაციამ პრეპარატ სოტროვიმაბს კორონავირუსის სამკურნალოდ ავტორიზაცია მიანიჭა. სოტროვიმაბი 12 წელს გადაცილებულ კოვიდპაციენტებში შეიძლება იქნას გამოყენებული, განსაკუთრებული რისკის შემთხვევაში.
CNN-ის ინფორმაციით, ავტორიზაცია ეხება მხოლოდ იმ შემთხვევებს, როდესაც ადამიანის მდგომარეობა, შესაძლოა, დამძიმდეს და საჭირო გახდეს კლინიკაში გადაყვანა. FDA აღნიშნავს, რომ მონოკლონურმა ანტისხეულებმა, შეიძლება, ჰოსპიტალიზებული და ჟანგბადზე მყოფი პაციენტის მდგომარეობა დაამძიმოს.
FDA-ის ინფორმაციით, მედიკამენტი მუშაობს კორონავირუსის სხვადასხვა სახეცვლილების: ე.წ. ბრიტანული, ინდური, სამხრეთაფრიკული და ბრაზილიური შტამების წინააღმდეგ.
საკვებისა და წამლების ადმინისტრაციის მიხედვით, წამლის გვერდითი ეფექტები მოიცავს ანაფილაქსიას, გამონაყარს და დიარეას.
დახურვა